Member-only story
話說2010年， 仲做緊大學教授既馬時亨講過， 一九七三年佢大學畢業，入職美國大通銀行（Chase Manhattan Bank），月薪有一千六百元，算是中規中矩不過不失。同年畢業既HKU同學梁錦松入到萬國寶通銀行（Citibank），月薪有一千八百元；葉澍堃更巴閉，做政府AO，月薪高達三千元。
馬教授又話，當時北角賽西湖大廈呎價二百元。即係話，一個一千呎左右東半山豪宅，四十幾年前售價也只不過係二十萬元。馬時亨當年唔食唔用，儲十二年零五個月錢就買到。
2019年，賽西湖大廈平均呎價二萬七千幾元，一個一千呎盛惠二千七百幾萬元。今日大學新畢業生平均月薪二萬，唔食唔用，儲一百一十二年零六個月先夠錢買。
當然，兩條數都假設月薪不變。上一輩人會同你講，你年年升職加人工，供樓就會越黎越輕鬆架喇。理論上佢地無講錯，只係時移世易，四十年前香港既經濟環境，同今日無得比。Well，今時今日仲提呢個「升職加薪」loop只會凸顯你離地。同時，亦勾起唔少八九十後，係職場三年又三年、三年又三年，仍然原地踏步既困境。
今日賽西湖大廈二萬七千七百元，各位，唔知你一個月人工又可以買到幾多呎？
#西米Go講故
(2019–1–21)
傳送門：西米Go昔日文章2019
傳送門：【那夜凌晨，我unfriend了相識三十年的老死。】之一
傳送門：【那夜凌晨，我unfriend了相識三十年的老死。】之二
傳送門：【那夜凌晨，我unfriend了相識三十年的老死。】之三
傳送門：【那夜凌晨，我unfriend了相識三十年的老死。】之四〈完〉
傳送門：香港，真係一塊福地黎！
