第十四回：歐洲一年最重要既節日！

80後出走德國去讀書系列

年尾充滿住濃濃既Holiday mood，皆因喜慶節日特別多，係德國呢度，十月尾萬聖節之後，就係人人期待既聖誕節/除夕/新年。

洋人過聖誕節等於華人過農曆年。同樣度度收晒爐、皆因個個返鄉下做節。而過節前，又同樣都會趁墟，佢地叫「聖誕市集」。我本身住緊果個城鎮都有，閒日已經人山人海。

市集有咩睇？有巡遊表演、有過節食品、有聖誕野賣。我呢個遊客當然會約埋成班friend，去下唔同地區既聖誕市集，係零度咁上下既室外，飲番杯暖粒粒mulled wine (德文叫做Glühwein)啦。

上個禮拜六，我仲特登搭幾個鐘火車去左漢堡，作為德國第二大城市，果度既市集比我果度果個，面積大好幾倍，仲有一棵巨型聖誕樹，高過香港時代廣場。

而家，送上當日影既靚相比大家睇。另預早祝大家聖誕節sweet sweet。 =D

#聖誕快樂

(2018–12–19)

傳送門：西米Go昔日文章

傳送門：80後出走德國去讀書系列