Member-only story
第十二回：十月，忙忙忙住玩！
好耐無寫過文﹐趁今日day off就同大家分享下過去一個月近況。
整個十月，一句講晒-Working hard and playing hard。（而家你地應該知，係香港，我係邊間大學讀bachelor喇！）
Working hard方面，今個學期我要獨力完成一個佔整個學期一半學分的project。我仲做埋student assistant，收人工幫教授做野（時薪11歐，確實唔錯，工作經驗又可以寫落cv，幫助將來搵工）。再黎繼續上堂學德文。
另外，為左將來更易搵工，我仲開始自己玩kaggle project寫Python。Python係一個現時好hit的programming language，唔少公司都開始轉用佢做data analysis，有興趣大家可以自己上網搵教學）。
同時，近排係LinkedIn收到HR agent的留言。作為外地人，呢個時候當然要同佢地打好關係，有咩好得過有人主動提供最貼本地市場的就業資訊呢。
Working hard完，就要playing hard。十月，新學期開始，又係識新朋友時間。與上年唔同，大家未開學已經一齊玩。到正式開學，大家已經好熟，開party、飲酒呢D唔少得。
早幾日我地仲一齊去捷克，渡瘋狂周末。當晚，我地到訪布拉格最大的Club，叫Karlovy lázně，佔地五層，每層都有唔同主題、唔同音樂。返黎之後只係休息左幾日，就到萬聖節。大學有組織搞左個Halloween Party，扮野係其次，主要就係畀機會大家又黎玩番一晚。玩玩玩！
p.s. 踏入十一月，轉番做冬令時間，又同香港有番七個鐘時差lu。
（2018–11–3)
傳送門：西米Go昔日文章
傳送門：80後出走德國去讀書系列
