第六回：團結的華人？

捨棄中環生活圈，擁抱綿羊與蜜糖之地。

圖：外牆鋪滿植物，咪會好多昆蟲？

細細個就成日聽到外國唔同地方都有唐人街，一直都好奇怪點解會咁叫，大個左先知道有大量華人聚居既地方就係唐人街。

人離鄉賤，遠走他方既華人走埋一齊好常見。除左華人既店舖外，華人既居所痴埋一齊都變得好理所當然。但Danny係考慮置業既時候，完全無視呢樣野。佢父母一開始都反對，覺得華人應該住埋一齊好照應，同聲同氣點都好d。

但係外國生活耐左，Danny得出一個結論，而呢一個結論係NZ最大華人論壇都成日有人會提住（非Danny個人bias)。個結論就係人在國外，欺負/欺騙/坑（該論壇用語）華人最多既就係華人本身。Danny係移居NZ前都估唔到會咁，所以父母既質疑佢都十分明白。

歸根究底，太多華人聚居正正反映左部分華人無意慾去融入當地生活，有人移居超過十年但英文仲係連基本溝通都做唔到，日日留係華人圈子入面開口埋口都只會講中文，又因為英文唔好既關係無留意本地新聞，同社會完全脫節。呢一個都係Danny決心同華人圈子保持距離原因。

(2017–12–13)

Day Trip in NZ

夏天去冰湖 Hooker Lake

初夏…南島之冰川 — Hooker Lake

另一個景點 : Lake Tekapo

傳送門：西米Go昔日文章

傳送門：捨棄中環生活圈，擁抱綿羊與蜜糖之地。