Member-only story
第三回：行之有效既垃圾分類
一、係德國,每個家庭都會做垃圾分類,（並非強制性，但人地細細個學校就教環保有幾重要。早係九十年代，德國人出街已經自備購物袋，又會自發做垃圾分類。）唔似得香港咁將所有垃圾都放埋一齊。
德國的垃圾分類有紙張, 塑膠, 廚餘, 玻璃同埋其他。大廈會有唔同顏色的箱去放置垃圾, 紙張係藍色, 塑膠係黃色, 廚餘係啡或者綠色, 其他係黑色。
二、另外係德國買膠樽或者玻璃飲品要額外比一種叫Einwegpfand (簡稱Pfand)的按金,目的係想大眾回收膠樽同玻璃。買膠樽或者玻璃飲品個陣要比多0.25歐(膠樽)或者0.08歐(玻璃),飲完之後大眾可以拎番去超市退回按金。
呢樣野係挪威都一樣有，仲擴展到飲品鋁罐。當地超級市場有部自動回收機，你放空樽、空罐入去，佢會自動scan個barcode，然後會印返相應金額既現金卷畀你係超市消費。千祈不要學香港的阿婆，走去踩扁鋁罐，部回收機掃不到barcode是不會退回按金。另外，不要嘗試帶洋垃圾到挪威變現，因barcode不同，回收機是會拒收來自香港的樽和罐。
反觀香港，垃圾分類完全依賴大量低下層在社區進行。在經濟誘因之下，有變賣價值的垃圾（例如紙張、金屬）才會被分揀出來再回收。沒變賣價值的垃圾，（例如膠、玻璃）因市民缺乏環保意識、又沒有政府主動介入，往往沒有人要而倒入堆填區。
#移民 #出走 #德國 #Germany #Einwegpfand #letitgo #WestRiceGoo #西米Goo #藍廢紙黃鋁罐啡膠樽 #80後出走德國去讀書系列
(2017–11–15)
傳送門：西米Go昔日文章
傳送門：80後出走德國去讀書系列
