Member-only story
講真，中國外交部打既飛機（中國叫「咀炮」），永遠都咁值得我地期待。睇下！耿爽大叔一副痾唔出屎既五官、華春瑩大姐既北京菜市場大媽樣，果份喜感，真係與生俱來。加上佢地每一場戲都充滿黑色幽默，無論係呃唔到人既故仔、小學雞鬥咀式辯駁、定係「人唔笑狗都吠」既神邏輯……果份自然流露同120%自信，講真，比起TVB班「吱」都唔笑既小丑，更能帶畀觀眾歡樂。
「我看蓬佩奥先生（Mike Pompeo，美國國務卿）現在的行為舉止，非常像祥林嫂。只不過祥林嫂嘮叨的是一些無害的廢話，而蓬佩奥先生叨嘮的，都是有毒的謊言。」
— 中國外交部發言人，華春瑩（註一）
話說，近日外國勢力頻頻對中國內政「指手劃腳」，華大姐一張咀當然無得休息。其中一次，佢就諷刺美國國務卿Mike Pompeo行為舉止似「祥林嫂」。唔通，係話Pompeo先生好似無知村姑大媽咁，一副八婆格？非也非也！「祥林嫂」呢個朵，其實係有典故既。
華春瑩係記者會發言原文：
http://www.youtube.com/YtmWL8aNHLU
文字翻譯：
「祥林嫂」係邊個？
魯迅短篇小說〈祝福〉入面既女主角，係封建社會入面一個典型農村婦女。祥林嫂一生充滿悲劇：家貧、死老公、被逼改嫁、再死老公、死埋個仔。從此，佢負能量爆晒燈，見親人都捉住黎「和你呻」。街坊起初都同情佢，由得佢呻。不過日復一日，年復一年，祥林嫂來來去去都係果三幅被，大家漸漸頂佢唔順，嫌佢煩，避開佢。最後連請佢打住宅家工既「事頭」四爺，都頂佢唔順，炒佢魷魚。祥林嫂無家可歸，淪為乞丐，係除夕夜飢貧交逼而死。
魯迅想透過《祝福》，表達咩野？
其一、祥林嫂既一生，就係中國人「做穩了奴隸」和「想做奴隸而不得」（魯迅語）兩種狀況。百姓過住奴隸般既生活固然慘，但連奴隸都無得做，下場仲慘。佢地遭受吃人的封建社會迫害，同時又不自覺地自甘毒害。
其二、祥林嫂周遭都係愚昧無知及麻木不仁既中國人：
好容易待到晚飯前他們的短工來沖茶，我才得了打聽消息的機會。 「剛才，四老爺和誰生氣呢？」我問。 「還不是和樣林嫂？」那短工簡捷的說。 「祥林嫂？怎麼了？」我又趕緊的問。「老了。」「死了？」我的心突然緊縮，幾乎跳起來，臉上大約也變了色，但他始終沒有抬頭，所以全不覺。我也就鎮定了自己，接著問：「什麼時候死的？」「什麼時候？ — —…
