Member-only story
人稱「難民之父」既左膠議員張超雄，關愛完南亞假難民之後，近日又有新猷。佢見到外國有就業配額，規定大型企業要聘用一定數目殘疾人士。香港都應該立法，殘疾人士要佔總員工數目2%咁話（註一）。
意識形態呢樣野好主觀既。D人究竟真心為信念，定求私利（如選票、經費、甚至幫自己個女），留返畀大家自己諗。作為務實既香港人，我只關心，如果真係實行，會對我地有咩影響。
首先，如果係公營機構推行既話，一定無問題。優秀既香港公務員不嬲都精於執行指示，上頭落咩order咪照做，最緊要跟足程序、唔好孭鑊、meet到指標；然後步步高昇、退休咬糧。反正使既只係納稅人錢，唔好話要請2% handicapped，就算請夠50%都無所謂。唔夠正常人做野，咪申請撥款加head count囉；再唔係，做唔切，D野擺係度唔做住又得，反正都唔急既。
至於私營機構，為左名聲，你叫班大老細使多少少錢，請幾個花樽擺係公司係無所謂既。佢地平時都捐開錢，贊助下社企、搞下慈善活動（你睇下大公司果D義工隊，老細點忙都會擺底億億聲生意，抽空出席擺pose，畀記者影相寫膳稿就知）。
不過，公關show過後，你要佢地長期科水養住班殘疾人？華人老細/高層數口咁精，又點會制。咪又係叫班伙記自己諗掂佢。（老細名言：「請你返黎係叫你解決問題！」）我敢寫包單，公司一定會叫98%正常人，去分擔果2%做唔晒既workload，反正你地平時都免費OT開，唔差在啦係咪？
最驚既係，今次「難民之父」若果能夠成功爭取，開左缺口，其他小眾團體既KOL會有樣學樣：同性戀、變性人、新移民、南亞難民、黑人、穆斯林、釋囚、精神病康復者……一個二個都話搵工困難，問各大機構拎就業quota。你唔肯咩，就話你岐視。到時，就好似〈復仇者聯盟 4〉咁，Marvel為政治正確，男性白人Ironman要死、Captain America要退休、Dr. Strange要企埋一邊玩水；讓路畀黑人同女權上位。（Well，唔好以為女權就有免死金牌，而家起用白人女演員飾演Captain Marvel，都畀人話唔夠多元！有聯署要求換個有色人種女同性戀者去取代佢添！）（註三）
歐美國家近年左膠當道，乜都反岐視，已開始出現「逆向歧視」（reverse discrimination）（註二）問題，少數群體利用歧視之名去博大霧、拎著數，亦時有所聞。我地真係要引以為戒至好，你知啦，博大霧、拎著數呢樣野，華人最叻架嘛！
By the way，殘疾人士搵食難，又算唔算符合達爾文 「物競天擇，適者生存」呢？
註：
- 〈張超雄倡每機構聘2%殘疾人士〉，信報，2019–5–1
- 「逆向岐視」（reverse discrimination） 指為保障弱勢社群反而使主流群體受到不平等對待的狀況。為糾正不公義的情況，社會會作出補償性的差別安排以幫助弱勢社群，使其享有平等機會，但若因而令主流群體的權益受限制，便出現逆向歧視。支持平權者則認為逆向歧視只是保守群體為保持既得利益而混淆歧視的概念。
- 〈Captain Marvel’s Brie Larson demands more diversity in Hollywood, so fans create a petition to have her replaced with a gay woman of color〉，The Caldron Pool，2019–5–5
(2019–5–7)
