Member-only story
「方丈都是很小氣的」，黎自中國既港交所CEO李小加也一樣。而家佢就話晉身金融界權貴，經常出現係財經版，有錢有face屎啫。佢未做呢個位果陣，識佢老鼠咩！落黎香港幾十年，本地話都講唔正，仲係一腔鄉音，普通「撈鬆」，難免會遇到唔愉快既經歷。
話說佢早年係美資證劵行返工，住係中半山，office係中環，好自然返工放工會搭的士。佢話：「的士司機特別恨我這種人，太短途了，起價（跳錶）都不到就到達了。……都知道他在罵你，每天回家都生一肚子氣。」
你知啦，佢係公司做慣高層架嘛，邊有人會畀面色佢睇先？而家日日有人黑佢面，係佢背後屌鳩佢，佢條氣仲唔chok住chok住（註一）？久而久之，佢就咁樣反擊：「我下車時，從右邊下車，很客氣的說謝謝，但不把門關嚴。」點解？原來李小加知道的士右邊車門係唔可以電動控制，司機必須親自落車閂返好度門。
係訪問入面，佢仲邊說邊笑：「他就很火。我就想，至少I get back at you（報復你了）。」
死啦！的士佬黑佢面咁小事，佢已經諗晒計，做埋D陰濕野報復。
過去十年，香港廣大股民成日都鬧佢做港交所CEO出賣香港、又搞衰個市。唔怪得，今次小米（1810）呢間野，就算過唔到中證監果關唔可以去深圳掛牌（註二），李生仍然放佢落黎香港做IPO cap水啦。
原來，佢要對廣大香港股民「覆卓」呀！
p.s. 小米集團（1810）係2018年7月以$17招股。2019年1月24日收報$10。應該大部份股民係輸錢。
註：
「Chok 住條氣」既「Chok」，應該是來自英文「choke (v.)」。有哽咽或窒息的意思；而「choke back anger / fury / rage (phrasal v.)」則表示人受刺激後抑壓憤怒。完全有「Chok 住條氣」含意。
〈中證監「84問」嚇退小米〉，蘋果日報，2018–7–16
伸延閱讀：
〈鬼馬整蠱的哥 肉赤貼士多〉，信報，2018–6–25
#小米IPO #李小加好小家
(2018–6–25)
傳送門：西米Go昔日文章2019
傳送門：【又係李小加，又係中國人】從一幅「字牆」，就睇到中國人做野咩質素……
傳送門：【做人有時要「左膠」一點】
