【教學】碌爆信用卡，點樣入錢才可以即時找卡數，立刻再消費？

2022年10月實測

秋天是碌卡買iPhone的季節；冬天是感恩節Black Friday網購的季節；春天是農曆新年辦年貨的季節；夏天是趁暑假去日本泰國台灣的季節。一年到黑不停地消費、帶旺經濟，總會有唔小心碌爆卡既時候。唔想因為咁而局住畀現金、蝕信用卡回贈？大家唯有先找左部份卡數，然後再碌過。

不過，並唔係所有還款方法都可以呢頭找完卡數，果頭就有得畀你再碌過的。大部份都要你等，少則翌日、多則數日，太缺乏效率了（用PPS、ATM過數、寄支票便是）。無論Black Friday同Cyber Monday既最低價、定係Apple 分店既iPhone預約都是唔等人的，正所謂When it’s gone, it’s gone，等得黎，個價都錯過左。究竟卡數要點樣找，銀行先會即時釋放信用額畀你用？

入錢機（a.k.a. 食錢機）幫到你！留意返，係可以存入現金果種入錢機，仲要係你張信用卡發卡銀行果部先得，第二間既入錢機係唔得。

1. 用本行「入錢機」入現金，即時找到卡數既有：

花旗Citibank*、星展DBS、中銀香港BOC、工行亞洲ICBC、大新

（* 花旗有第二個方法，下面再講）

2. 用匯豐、恆生「入錢機」先入現金落自己銀行戶口，然後用提款機以「轉賬」形式由銀行戶口轉去信用卡，咁就即時找到卡數既有：

匯豐HSBC、恆生

3. 就算用本行「入錢機」入現金，都不能即時找到卡數既有：

渣打SCB**、建行亞洲CCB、中信Citic、東亞BEA、富邦Fubon、交行、招商永隆、華僑永亨

（** 渣打另有轉折少少既方法，下面再講）

4. 完全無本行「入錢機」提供：

大眾Public Bank、上海商業、創興、Aeon、安信PrimeCredit

5. 嫌花旗銀行既食錢機太少，唔就腳？可以用返花旗既網上銀行，找同行信用卡卡數，一樣即時用到：

最頂「Payments & Transfers」、左面「Make a Payment & Transfer」、中間「To Account」果度揀返自己張花旗信用卡就得。