【實用文】香港銀行の熱線電話，真人對話の撳掣攻略！
「人工智能，就係你永遠搵唔到人！」 — 無言
香港服務業既熱線電話迷宮出名複雜，尤其係銀行客戶服務熱線。個迷宮選項有咁長整咁長、預錄廢話有咁多播咁多。務求等你地趕時間、打到燥，然後知難而退，自己收線。公司管理層諗縮數呢方面，一定唔會死錯人：客戶打唔到入黎，從而投訴數字減少，從而KPI好左，從而有節省資源既空間、從而減人手請少幾個CS。
之但係，現實唔會未必有咁理想效果。個客打得畀你，代表佢有問題未解決。錢銀尤關既大事，換著係我就點都要搵到有真人接聽為止。剛性需求係阻唔到的。有見及此，西米整理左一個破解熱線迷宮既撳掣攻略。歡迎大家bookmark，認同請分享！
大部份銀行熱線都可以唔使聽晒所有選項，直接撳掣。部份熱線就要聽完晒防偽冒電話及電郵提示，才可以按鍵到下一步。
總括黎講，創興銀行最有誠意，一打即通；Citi地獄級難撳，擺明趕客，少D毅力都被佢篩走。
By the way，如你頂唔順Citi式電話迷宮，我介紹返個隱藏秘技畀大家：
打13328600333 > 選擇廣東話按「1」 > 系統開始講廢話，即按多次「1」截停佢 > 系統講「如閣下係……」，即按「0」 > 跟住就可以耐心等待真人接聽。
(2023–1–17)
上一篇：農曆新年，鬼佬眼中的賀年食品
下一篇：【實用文】IB換完英鎊/加紙/美金，如何免費拎到手？
其他精彩文章： https://medium.com/westricego
