Member-only story
上一篇講左要準備咩文件去申請德國既大學，今次就講第二步：文件認證(Certification)。
當你寄文件比UniAssist或者係大學時，當然唔會寄份正本，而會係影印本。咁UniAssist同大學又點樣知道你份影印本的真偽呢？
因此你就要為你的影印本去做文件認證，等佢地知道你所寄的影印本係同正本所列出的資料一模一樣。
UniAssist有列出邊D的認證係可接受，但既然而家申請德國的大學，最簡單（同最平）就當然係去德國大使館做認證。
（注意：以下資料只供參考，不保證完全正確，如有疑問請向德國大使館、相關大學或所屬機構查詢）
做文件認證唔需要預約，只需要帶同文件正本同影印本，同使館職員講話要申請文件認證。呢個服務需要收費，我申請果時係一毫歐羅一頁，以港幣比錢。隔左大約一兩個禮拜就會通知你可以去拎番。大使館係影印本上蓋上印章並簽署以作證明。
注意事項：
1、影印文件要跟足正本，單面就單面影印，雙面就雙面。
2、最後一份影印本要為單面，等大使館職員可以係最後一頁蓋印並簽署。
3、遞交文件時正本同影印本擺放的次序要一樣，等職員可以檢查。
你收番黎的影印本會好似幅圖咁係釘書釘上蓋印，仲會係頁側蓋印，最後一頁就會有認證人員簽署加上印章。（圖片來源：UniAssist）
(2018–2–26)
傳送門：西米Go昔日文章
傳送門：80後出走德國去讀書系列
