Member-only story
上週五李嘉誠宣布退休，一位記者問：「誠哥，你覺得年青人要點樣先可以複製到你嘅成功故事？」
其實問題問錯左。成功本身，自古以黎根本就不能複製。
Bill Gates生於電腦未普及的年代，才可以靠Windows做足幾十年全球首富。Steve Jobs生於3G上網起步的年代，才可以靠iPhone/ios 把公司變成全球最賺錢。毛澤東生於廣大農民不得溫飽、戰亂連年的中國，才可以靠共產主義得到政權。希特拉也是遇上德國係一戰之後債台高築，才可以得到國民支持做總統。
從來都是時勢做英雄。（英雄只能順勢而行，影響時勢如何發展。）你縱有諸葛亮之智慧、岳飛之勇武，若然生於太平盛世也沒有用武之地。你縱有王羲之的天份、蘇軾的文采，若然生於新中國也只會畀紅衛兵批鬥，唔死都殘廢。
失敗，很容易複製，因為失敗原因沒有幾多個。
成功，往往不能模仿。因為，成功人物所遇上既人物、地點、時機都是唯一，不會重覆。西米不嬲都覺得，睇果d名人傳記根本多餘，一黎寫果個隱惡揚善，唔有咩好爆既料，最多寫下花邊新聞，當係八卦野睇；二黎睇完人地點解成功，點樣成功，聽埋阿媽係女人式既說教，自己唔會有咩得著。
對於文首記者既提問，李生咁答：「1950年時戰後幾年，雖然有很多機會………」言下之意，已經暗示自己既成功個案，只能夠係特定時空發生，可一不可再。
(2018–3–24)
傳送門：西米Go昔日文章
