【山寨大國官員之邏輯】

「知識產權不僅屬於一個公司，它是大家的。」

「民企之父」張化橋前排係blog引述中國某高官，係一個歐洲企業研討會既言論：

「知識產權不僅僅屬於一個公司或者一個國家。它屬於全人類。」

中國，已經唔止一次被質問點解無好好保護人地智識產權。如果係毛主席年代，呢位高官咁講野無人會覺得有問題，當年中國仲行緊共產主義，所有野（包括知識產權）都唔係私有，而係阿公既。

而家呢，就中國式無賴思維盡露。同靠山寨野發達，首富馬雲早幾年既金句同出一徹：「假貨​比真貨更平、質素更好。」而家中國人財大氣粗，權貴們連門面說話都費事講，直接耍賴皮，一副「擺明係咁呀，吹咩」既咀臉。

一直以黎，都有學者為中國辯護，話六、七十年代日本都係靠抄歐美起家。又話窮國同富國國力差距太大，一開始唔「參考下」先進國家既話，根不無可能追得上云云。

岩呀，只不過佢地只係講岩個開頭呢。人地日本唔止抄，仲會改良，早係八十年代開始，就有能力造出高質素產品，一直到今日依然全球數一數二。反觀中國，改革開放都四十年，班友完全無諗過自主研發，個個唯利是圖（mercantilism），只係諗住繼續用最低成本，去山寨人地既野賺錢。

無論偷、竊、抄……正常人肯定唔會大鑼大鼓，方死人唔知。只有中國人既行為邏輯較為特別。好似搭高鐵，要買飛劃位，民眾就係鍾意霸佔人地個位，然後理直氣壯話：「憑本事霸既，憑甚麼要還給原主？」

官員默許盜取智識產權，廠商唔止出山寨貨，好多時仲惡到搶先註冊人地名牌商標，然後打官司告返人地正版牌子（好似喬丹告Jordan、New Barlun告New Balance），撈一筆賠償。

面對一個國家上上下下都係無恥之徒，左膠式教化、包容唔會有用。西方受害諸國要維權，要#metoo，就一定要齊心支持Trump總統，出招對付班山蕃。

假貨完勝，Yeah！

伸延閱讀：

〈你傷害了外國人民的感情〉，張化橋，2018–9–19

(2018–9–27)

傳送門：西米Go昔日文章