Member-only story
係事事講利益既香港，肯真心share、講真話既人好少。尤其班「名人」，老點你既居多。（岩既岩既，三唔識七，做乜要教精你？）西米早排睇到篇訪問，有個八十後導演梁仲文（你唔識佢？Well，我都唔識佢。成名作叫 《關公大戰外星人》，cult片黎，你未睇過？Well，我連聽都未聽過添！），佢講野幾真，幾有意思，恕我偷下懶，又做一次文抄公：
1. 「香港精神就係無香港精神，就係利益先行、就係投機取巧，邊到有錢就搵邊到。佢地會美化所謂獅子山精神、所謂拼搏。」
2. 「 記住我地香港既年輕人千祈唔好比呢啲野（獅子山精神）呃到，呢啲野係啲老野話比你聽，佢叫你安份守己啊嘛、叫你獅子山精神啊嘛。佢獅子山精神咩，佢一啲都唔獅子山精神啊。佢炒完貴左啲野，炒左炒乜炒物，賺左啲錢會唔會比返你？會唔會回獻你？會唔會回饋社會？唔會咖，佢想你拼搏啊嘛、佢想你唔怕蝕底啊嘛，佢會唔會唔怕蝕底？佢唔會。」
3. 「所謂本土意識。香港既觀眾都唔會睇好你，香港觀眾好賤，好見高拜見低踩。曹星如，打到豬頭咁比人話打假。好彩曹星如係次次贏咋喎，輸一兩次仲得了啊，地底泥啦變左，唔容許失敗。香港人/觀眾係非常之低賤。千祈唔好指意佢地會撐你。」
4. 「不要留在香港，盡量不要留在香港。香港發展機會很小，盡可能出去見世面，做一些外國人會欣賞的事，香港這個池是不值得大家去混。」
5 「由我地初頭玩xanga，玩blog，玩forum，玩facebook，個分別係咩，就係字愈來愈少，到玩Instagram，玩果個Snapchat，多兩行字都唔俾你post啦，睇既字愈來愈少，內涵愈來愈少啦，愈來愈蠢啦Ｄ人。」
針對搞創作：
1. 「你地要諗既就係點樣打倒呢一啲人（老屎忽），用你既實力。唔係叫大家去雨傘抗爭扔幾個汽油彈扔下磚就做到野喎，係靠你既技術，你有無料到先。外國既人會唔會注意到你，你既修為你既技術係咪勁過佢地，你既思維係咪做到一啲佢地做唔到既野。」
2. 「要有創意，你睇既野要夠闊，人地睇果樣野你就唔好睇果樣，你睇第二D，你要有野係到，你個腦唔可以黎黎去去都係吃喝玩樂，你個腦圍埋要創作，我同D朋友唔會講呢排興咩國，食咩野，睇咩電視劇，唔會講哩D，……會講哩排睇左咩野電影，個故仔好正，佢個Effect好好睇，哩排玩咩Game佢個設計好新，佢既故事點樣表達，你既涵養就係哩到黎架啦，你要不停咁樣煲自己，你要識哩D朋友，唔好淨係睇主流既網片，學唔到野架，你無辦法去第二個層次。」
伸延閱讀：
〈與梁仲文導演對談 — 了解關於電影《香港大師》(HONG KONG MASTER) 的製作背後…〉，CGV，2018–6–15
#袋錢落你袋
(2018–6–29)
傳送門：西米Go昔日文章2019
傳送門：「離地怪」配「老屎忽」
