Member-only story
教育局副局長蔡若蓮撰文，話為左將來既社會共融，要協助有特殊教育需要的學生融入主流學校。
即係點呢？
佢就舉左一個實例：「屯門區一所小學，共收錄了50名有特殊學習需要、40多名學業稍遜的同學，當中包括讀寫障礙、智力障礙、自閉症，以及注意力不足/過度活躍症等。」
簡單講，政府即係將有問題既學生打散，滲落各間主流學校入面。
咁樣做，除左可以埋藏特殊需要學生衍生出黎既問題、隱藏對特殊學校既真實需求、政府慳到budget唔使搞咁多野去理呢班細路之外，對其他「持份者」有咩好處呢？
對於主流學校，收政府錢財，替政府消災。呢班學生拖慢教學進度，又要老師加重工作量去特別照顧，大部份正常學生本應享有既關注無可避免被分薄左、本來可以享有既教學質素被犧牲，學校亦要應付特殊需要學生所衍生出黎既各種操行問題。
對於有特殊需要既學生，亦都唔見得係好事。佢地天資所限，成績多數包尾，老師無可能無限量遷就，唯有一開始就選擇放棄。
另一方面，大家有睇過動物紀錄片就知，一小撮異類，格硬要融入正常社群裡面，只會成為各種問題與麻煩既製造者，結果佢地唔係被人排斥、岐視，就係畀人欺凌。
呢個世界唔係樣樣野都可以共融。膚色、種族、性取向及性別認同，只係純粹觀感上既問題，佢地各種能力同常人唔會有分別，呢D可以透過教育去消除岐視，讓佢地融入主流生活圈。
而低能、自閉、過度活躍既細路，存在結結實實既能力上、行為上既問題，佢地與一般學童既差異係無得收窄，只會成為其他人既包袱。
蔡副局推行呢d政策，好聽就叫做為左將來共融社會鋪路，實際上就係政府縮骨唔想承擔特殊教育，畀少少錢主流學校，叫佢地幫手啃左d豬頭骨。根本就係搵人笨。
（蔡若蓮原文：http://www.news.gov.hk/tc/record/html/2017/11/20171126_131457.lin.shtml）
(2017–11–28)
傳送門：西米Go昔日文章
