Member-only story
中國遊客住瑞典酒店，畀白人警察無理趕走（註一）？
風災過後，中國大使館派專車去日本關西機場接走國民（註二）？
97年亞洲金融風暴，中國政府動用儲備買港股救市（註三）？
中國境內境外，有一大堆受政府直接、間接操控既黨媒，為左民粹、維穩、政治觀輸，捏造假新聞不時可見。而網絡長城內，有十四億中國人，日日局住睇CCTV、人民日報、環球時報；與香港果班只識開住TVB、睇頭條日報、東方日報既廢中廢老一樣，畀官方傳媒洗晒腦，人地講咩就信咩。
大家唔好以為fake news係現代先興。其實呢樣野，一直存在。有網友發現，大英博物館收藏一批清朝石版印刷畫報，原來早係十九世紀，清政府就識得利用傳媒散佈假新聞，欺騙國民。例如1894年，甲午戰爭結束，〈點石齋畫報〉呢份清國新聞紙就發表一連串清軍大勝日本既「新聞圖片」。（古時大部份民眾都唔識字，又無得影相拍片，所以新聞紙係由畫師描繪現場實況，再大量印刷派發出去。）天朝上下見到北洋水師擊退倭寇，係威海衛海戰大獲全勝，又捍衛藩屬國朝鮮既領土完整。一個二個仲唔FF大國勃起，射到一地都係？
好可惜，歷史真相完全相反：清廷使左好多銀兩成立既北洋艦隊係此役全軍覆沒，傷亡慘重，生還官兵全數投降。提督丁汝昌吞鴉片自盡。清國翌年仲要同日本簽訂不平等「馬關條約」，割讓台灣。
好彩，呢批清國畫報流落到英國，證據才得以好好保存。後人先能夠見識到，為左維穩而作假新聞，其實係「中國自古以來固有傳統」。
By the way，今時今日中共軟實力無孔不入，連Donald Trump都暗示在美中國留學生幾乎全是間諜。大家除左要睇少d TVB新聞、睇少d愛國愛港商人所營辦既本地報章之外，亦要小心選擇外國傳媒。因為有好多XYZ人係上述機構做野架！
伸延閱讀：
https://www.facebook.com/mock.mayson/posts/1257918547682080
註：
〈華炒熱旅客「瑞典旅館風波」〉，HKET，2018–9–18
〈中國究竟有無派車接駁？ 關西機場回應七大爭議〉，今週刊，2018–9–15
〈大陸股評人：98年大陸出手救港股打跑索羅斯 今次恐怕又要助港渡難關〉，立場新聞，2016–1–22
(2018–9–22)
傳送門：西米Go昔日文章
