【一圖測視力】你地睇到咩數字？

及90年代興起既「3D立體畫」

傳說，憑住你睇到咩數字，就可以測試到你有無近視、有無散光！

你地從中睇到咩數字呢？

呢張圖，令我諗起九十年代曾經時興過一排既「3D立體畫」（autostereogram）。果時，成班同學仔又買書、又擰萬變卡，就係為左比拼邊個叻，能夠從雪花中睇穿隱藏3D圖案。大家要知道，果個年代，邊度好似而家咁方便，google下就有大堆info架。呢D立體畫，能夠引到小學生用僅有既零用錢買，可見當時幾咁流行。

對於呢件事，我地好簡單，只有兩派：有種人，一眼就睇到隱藏既3D圖案；更多既人，無論點睇都只見雪花。而我，就係用埋「鬥雞眼大法」都睇唔出既大多數。果陣年紀細，又無從發問，所以對呢D畫既原理不甚了了，到而家見返文首既「視力測試圖」，先再勾起好奇心。

（Well，文首「視力測試圖」其實同「3D立體畫」完全無關係，純粹畫有相似咋！）

拿，你睇野有「空間感」，全因為有兩隻眼。當你遮住其中一隻眼（i.e. 單眼），事物就會顯得處於同一塊平面，無前後之分。情況類似我地睇一張無景深既相，無左空間感。

我地既腦要「睇到」（正確黎講，係感受到）立體/3D，全憑左眼同右眼睇同一樣野果陣既少少差異。以上圖做例子：左眼經A/B兩組線，去接收雪人反射出黎既光線；右眼經B/C兩組線。

大腦會分析呢兩組訊息，然後重建影像，我地因而覺得、睇落果個雪人係3D。

好喇，3D立體畫又係咩原理呢？首先，我當幅畫係ABC三點所處既位置。我地睇畫果陣，左眼見到AB、右眼見到BC。跨張少少，可以幻想下，如果我地個頭好似特攝片〈咸蛋超人〉入面隻食錢怪咁。兩隻眼既距離拉得好遠，我地睇到既3D立體畫，就如一邊從左面睇、一邊從右面睇。